Wednesday, September 29, 2010

വിശുദ്ധിയിലേക്ക് വിളിക്കപ്പെട്ടവർ

നാമെല്ലാവരും വിശുദ്ധരാകാൻ വിളിക്കപ്പെട്ടിരിക്കെ എന്തുകൊണ്ട് ഇന്നത്തെ സമൂഹം അതിനെപ്പറ്റി ചിന്തിക്കുന്നു പോലുമില്ല? കന്യാസ്ത്രീകളും അച്ചന്മാരും മാത്രമല്ല വിശുദ്ധരാകാൻ വിളിക്കപ്പെട്ടവർ.

“ഓരോ ക്രൈസ്തവനും, ക്രൈസ്തവനായതു മൂലം വിശുദ്ധിയുടെ പൂർണതയിൽ എത്തുവാനും, അതുപ്പോലെ ജീവിക്കുവാനും ബാദ്ധ്യതയുണ്ടെന്ന് തിരുസ്സഭയിലെ ഓരോ അംഗത്തിനും സഭയ്ക്ക് പൊതുവേയും  അവബോധമുണ്ടായിരുന്നു. എന്നാൽ മത പീഢനകാലത്ത്, സഭയുടെ ആദ്യ ശതകങ്ങളിൽ മാത്രമേ ഈ ബോദ്ധ്യം ക്രൈസ്തവരുടെയിടയിൽ സുശക്തമായി നിലനിന്നുള്ളൂ. സഭയ്ക്ക് സ്വാതന്ത്ര്യം ലഭിച്ചതോടെ ക്രൈസ്തവരുടെ തീക്ഷ്ണത മന്ദീഭവിക്കുവാൻ തുടങ്ങി. തന്മൂലം വിശുദ്ധിയുടെ പൂർണതയിൽ എത്തുവാൻ പലരും ഏകാന്തവാസം, വനവാസം, മരുഭൂമിയിൽവാസം, സന്യാസം എന്നിങ്ങനെ പല ജീവിതാവസ്ഥകൾ ആരംഭിച്ചു. അധിക കാലതാമസമെന്യേ, സന്യാസസഭകളും സന്യാസാശ്രമങ്ങളും സ്ഥാപിതമായി. അതോടുകൂടെ എല്ലാവരും വിശുദ്ധരാകുവാൻ വിളിക്കപ്പെട്ടവരാണെന്നുള്ള ചിന്താഗതിക്കു മാറ്റം വന്നുതുടങ്ങി.” (Fr. Antony Mookkanthottam MSFS)

ഇന്നത്തെ സമൂഹത്തിലും വിശുദ്ധരാകുവാൻ ആർക്കും താല്പര്യമില്ല; എല്ലാവർക്കും Doctor ഉം Engineer ഉം മറ്റും ആയാൽ മതി. എന്നാൽ പരിപൂർണ്ണരാകാൻ നാം പൂർണ്ണബോധ്യത്തോടെ പരിശ്രമിക്കേണ്ടിയിരിക്കുന്നു. കാരണം: “നിങ്ങളുടെ സ്വർഗ്ഗസ്ഥനായ പിതാവ് പരിപൂർണ്ണനായിരിക്കുന്നതു പോലെ നിങ്ങളും പരിപൂർണ്ണരായിരിക്കുവിൻ.” എന്ന് യേശു നമ്മോട് അരുൾചെയ്തിരിക്കുന്നു.

 ‘ഒരു വിശുദ്ധനോ വിശുദ്ധയോ ആകാൻ നാം എന്തൊക്കെ ചെയ്യണം, എന്തൊക്കൊ ചെയ്യരുത്?’ ഈ ഒരു ചോദ്യം തികച്ചും ബാലിശമാണ്. കാരണം, “ഹൃദയരഹസ്യങ്ങൾ വെളിപ്പെടുത്തുന്നവനായ കർത്താവാണ്” (1 കൊറി. 4:5) നമ്മെ വിധിക്കുന്നവൻ.

അതോ, ഇതോ ചെയ്യുന്നതിലല്ല പുണ്യം അടങ്ങിയിരിക്കുന്നത്. അത് ഹൃദയത്തിന്റെ ഒരു സ്ഥിതിവിശേഷതയിലാണ് സ്ഥിതിചെയ്യുന്നത്. ആ സ്ഥിതിവിശേഷത, നമ്മുടെ ബലഹീനതയെപ്പറ്റി നമ്മെ ബോധവാന്മാരും എന്നാൽ സ്വർഗ്ഗപിതാവിന്റെ നന്മയിൽ ധീരമായ മനോവിശ്വാസമുള്ളവരും ആക്കിക്കൊണ്ട് ദൈവതൃക്കൈകളിൽ നമ്മെ എപ്പോഴും വിനയമുള്ളവരും അല്പരുമാക്കിത്തീർക്കുന്നു.”

വി. കൊച്ചുത്രേസ്യായുടെ അന്തിമവചസ്സുകൾ” എന്ന പുസ്തകത്തിൽ നിന്ന്

ഈ ‘ഹൃദയവിശുദ്ധി’യിലേക്ക് നമ്മെ നയിക്കാനുതകുന്ന ഏതാനും Postകൾ മുകളിൽ വലതുവശത്ത് നൽകിയിരിക്കുന്നു. വായിക്കേണ്ട Postന്മേൽ ക്ലിക്ക് ചെയ്യുക. കൂടുതൽ Postകൾ ഇനിയും ചേർക്കാൻ ഞാൻ പരിശ്രമിക്കുന്നതായിരിക്കും.

ഈ Postകളിൽ വരുന്ന വിവിധ ദൈവിക ചിന്തകളെ സംബന്ധിച്ച നിങ്ങളുടെ അനുഭവങ്ങളും അഭിപ്രായങ്ങളും പങ്കുവയ്ക്കാൻ Comments എന്ന option ഉപയോഗിക്കുമല്ലോ. [You can use both English and Malayalam. മലയാളത്തിൽ ടൈപ്പ് ചെയ്യുന്നതിനെ കുറിച്ചറിയാൻ ഇവിടെ ക്ലിക്ക് ചെയ്യുക.]

ദൈവസന്നിധിയിൽ നമുക്ക് ഒരുമിക്കാം.......... എന്ന പ്രത്യാശയോടെ.........സിനോജ്



A Malayalam Catholic Blog: The Little Way